وعقبال عند الفقير والمعتر الله يساعدو ويساعدنا
انا رح أحكيلكم قصة سفري بالتفصيل من تركيا لألمانيا
كانت رحلتي من تركيا لليونان بواسطة البلم وبعد 3 محاولات فاشلة , الرابعة زبطت معي
وكمان في محاولة من مرسين لايطاليا غرق القارب فينا والحمدالله الكل نجي وبعدها حولت عازمير شفت مهرب ابن …….
حسبي الله ونعم الوكيل بقي جمعتين وهو عم يحاول يطلعني بالبلم 3 محاولات والرابع زبطت ووصلت لجزيرة فارموكوس
وبعدها قعدت فترة باليونان لاتتجاوز الاسبوع وحملت حالي وطلعت عمقدونيا اول مرة مشيت 3 ايام بعدها الجيش المقدوني مسكني
وقلي my friend no problem , come to here قلتلو جايك وين بدي روح يعني رحت لعندو زتني بالغابة
طبعا نحنا كروب 7 اشخاص بس بدون مهرب رجعنا عالغابة ومشينا فرد مشوة 12 يوم
وصلنا لويان (قرية حدودية مع صربيا) وبعدها اخدنا تكسي ب 300€ على بلغراد
نزلت ب بلغراد قعدت اسبوع زمان ولكروب الي معي راح وكلو بصم بهنغاريا وانا كنت حاطت ببالي انشنق ولا ابصم
لذلك صرت رتب اموري ودرست الخطط منيح وانا مابحب اتعامل مع تجار بشر بنوب وطلعت على هنغاريا
وصلت بودابست وحجزت من المحطة دايركت عميونخ ولما وصلت ميونخ كان الفرحة ودموع الفرح في عيني
لمتابعة القراءة اضغط على الرقم الآتي في السطر التالي
